10.11.2026

[start:song]

549
1. Ապրելով այս մեղքի աշխարհում՝
Եղել եմ Հիսուսից շատ հեռու,
Բայց Տիրոջ սերը մեծ
Ինձ մեղքից ազատեց,
Խաղաղություն տվեց հավիտյան։

2. Ո՜վ հոգի, դու փնտրի՛ր Հիսուսին,
Երբ փնտրես, կգտնես անպայման,
Ու տրվի՛ր դու Նրան
Քո ամբողջ էությամբ,
Ողջ մտքով ու սրտով հավիտյան։

3. Ալելուիա՜ կերգեմ Քեզ, Փրկիչ,
Ու սաղմոսներ կասեմ քնարով:
Եվ իմ սիրտը ես Քեզ
Նվիրեմ լիովին
Ու իմ հոգին, որ Դու փրկեցիր։

[end:song]

[start:song]

417
1. Ես սիրում եմ Հիսուսին՝
Իմ կյանքին հույս տվողին,
Իմ ճամփին լույս սփռողին,
Իմ մեղքերը քավողին։

Ես սիրում եմ Հիսուսին՝ (3)
Իմ Փրկարարին։

2. Ես սիրում եմ Հիսուսին՝
Իմ մեղքերը ներողին,
Իմ աչքերը բացողին,
Իմ սրտում սեր լցնողին։

Ես սիրում եմ Հիսուսին՝ (3)
Իմ Փրկարարին։

3. Ես սիրում եմ Հիսուսին՝
Ինձ խավարից հանողին,
Ինձ հավատք պարգևողին,
Ինձ դժոխքից փրկողին։

Ես սիրում եմ Հիսուսին՝ (3)
Իմ Փրկարարին։

[end:song]

[start:song]

699
1. Տե՛ս, որքա՜ն բարի է, որքան ցանկալի,
Երբ եղբայրք իրար հետ մեկտեղ բնակին:

Ազնիվ յուղի պես է մեր գլխի վրա,
Որ վայր է թափվում Ահարոնի վրա:

2. Հերմոնի շաղի պես, որ վայր է գալիս,
Որ վայր է գալիս Սիոնի վրա:

Այնտեղ Տերն պատրաստեց
Օրհնություն և կյանք
Մինչև հավիտյան (2):
Ազնիվ յուղի պես է մեր գլխի վրա,
Օրհնություն և կյանք
Մինչև հավիտյան:

[end:song]

[start:song]

363

1. Հիսուսն է կյանքը ու ճանապարհը,
Էլ ուրիշ կյանք չկա աշխարհում։
Հիսուսի շնորհքով փրկություն ստացանք,
Դե, եկե՛ք փառաբանենք Նրան։
     Ալելուիա, (2)
     Փառք Քեզ, որ մեզ կյանք ես պարգևել։

2. Դու` կյանքի աղբյուր,
Դու` լույսի աղբյուր,
Դու սիրո աղբյուր ես, ի՛մ Հիսուս։
     Դու թագավոր ես,
     Դու փառավոր ես,
     Փառք Քեզ, որ մեզ կյանք ես պարգևել։

     Ալելուիա, (2)
     Փառք Քեզ, որ մեզ կյանք ես պարգևել։

[end:song]

[start:song]

188

      ЕГВ 120

1. Գոհանում եմ, Տե՜ր իմ, (2)
Նազովրեցի Հիսուսի համար,
Որ մեր սիրույն եկավ աշխարհ։

2.Գոհանում եմ, Տե՜ր իմ, (2)
Խաչի մեծ տառապանքի համար,
Մեր փոխարեն չարչարվեցար։

3. Գոհանում եմ, Տե՜ր իմ, (2)
Որ բժշկեցիր ու փրկեցիր
Եվ մեր մեղքերը ներեցիր։

4. Գոհանում եմ, Տե՜ր իմ, (2)
Որ թույլ ես տալիս փորձություններ,
Սովորեցնում ես խոնարհվել։

5. Գոհանում եմ, Տե՜ր իմ, (2)
Հավիտենական կյանքի համար,
Որ խոստացել ես մեզ, ո՛վ Հայր։

[end:song]

[start:song]

474

1. Հայր Աստված, օրհնում ենք Քեզ Քո Որդու անունով,
Խնդրում ենք հայրական սեր և օրհնություն։
Միմիայն Դու ես Աստված երկնքում, երկրի վրա,
Արարիչ տիեզերքի, մեր Տեր և Թագավոր,
Քո Հոգով շրջիր մեր մեջ ու մեզ կյանք տուր։

2. Հիսուս Քրիստոս, ճշմարտություն բխող Սիրո աղբյուր,
Սիրում ենք, պաշտում ենք Քեզ հոգու խորքից։
Քո մահով տվեցիր կյանք, ազատեցիր մահից,
Փրկիչ մեր, տառապեցիր՝ մեղքը մեր կրելով,
Քո Հոգով ազատություն, ով Տեր, մեզ տուր։

3. Հարազատ երկինքը բացվել է մեր առջևում,
Հայր Աստված կրծքին է սեղմել Իր Որդուն:
Դու միայն արժանացար բանալու կնիքն այն,
Խաչվեցիր, ինչպես դատապարտված մի մեղավոր,
Հեզությամբ խոնարհվեցիր Քո Հոր խոսքին:

[end:song]