317Դու Ես Հեղինակը

Գոհ ենք Քեզանից մեր Աստված և Տեր,

Որ կանչում ես, ընտրում, բարձրացնում վեր,

Դու ես, որ հողից մեզ վեր բարձրացնում,

Աճեցնում ես ու զորություն հագցնում

Դու ես հեղինակը մեր կյանքերի,

Դու ես հեղինակը ապագայի,

Դու ես հեղինակը մեր փրկության,

Դու ես հեղինակը հոգու զորության

Դու աղբյուրն ես վերին իմաստության

Եվ սուրբ օծության, իշխանության,

Դու, որ օծեցիր սուրբ ընտրությամբ

Մովսես ու Հեսու, Դավիթ ու Եղիա

Այսօր էլ մեր մեջ բարձրացնում ես վեր

Նոր Մովսես, Հեսու, Դավիթ, Եղիաներ,

Որ Քրիստոսի պատկերը լինեն,

Քո օծյալների բանակն համալրեն

Հիսուսի նման առաջնորդիր նրանց,

Որ Քո զորությունն ու փառքը հագած

Իրենց կյանքերով ու ծառայությամբ

Քեզ գոհություն ու փառք բարձրանա