673Հոբելյար

Հոբելյարը օրհնություն է ու բարիք,

Դու, հոբելյար, բարի լույս ես, հաշտ երկինք,

Քեզ օրհնում է փողի ձայնը հոբելյար,

Ազդարարում առողջություն, երկար կյանք

Տարիները պսակել են քեզ շնորհքով,

Ժամանակն ապացուցել վստահելի,

Կյանքի փորձից ազդեցիկ է խոսքը քո,

Որովհետև ակունքներում ես հայտնի

Դու տեսել ես հիմունքները գալիքի,

Արցունքից քո շաղախ սարքել անսասան__

Քարքարուտը մաքրել, դարձրել խճուղի,

Դառնությունից պատրաստել ես բալասան

Քո ջրերը չեն պակասել ծովի մոտ,

Քո աչքերում վաղվա հույսն է արևոտ,

Եվ քո հոսքը թեկուզ լինի անաղմուկ,

Քո ջրերում հրճվում են մեծ ու մանուկ