185Որդի՛ս, քեզ երկար եմ սպասել,

1. Որդի՛ս, քեզ երկար եմ սպասել,

Քո փրկությունը անվերջ երազել,

Երկար տարիներ ես ձեռքերս քեզ եմ պարզել:

Գիտեմ հառաչանքը տանջվող քո հոգու,

Տեսա արցունքներդ ամեն երեկո,

Դու, ինձ մերժելով, խավարն ընտրեցիր, դարձի՛ր:

Ես չեմ ուզում` ապրես օտարված,

Չեմ ուզում` լինես ինձնից հեռացված ու լքված,

Միշտ քեզ հետ է Հոգիս, որդի՛ս սիրելի:

Ես քո հարազատ Հայրն եմ, ուրիշ չեմ,

Քո Աբբա Հայրն եմ, օտար չեմ, խորթ չեմ, որդի՛ս,

Միշտ քեզ հետ է Հոգիս, զավա՛կ սիրելի:

2. Մեղքը արգելք է և պատ է անանց,

Մեղքը անդունդ է, ուղի կորսված,

Խավար գիշեր է, և ընկնում ես ճամփին հանկարծ:

Մեղքը փակեց սիրո դուռը բացված,

Դու հեռացար սիրող քո Հորից,

Բայց էլի հույս կա Շնորհաց աթոռից նորից:

Ես չեմ ուզում` ապրես օտարված,

Չեմ ուզում` լինես ինձնից հեռացված ու լքված,

Միշտ քեզ հետ է Հոգիս, որդի՛ս սիրելի:

Ես քո հարազատ Հայրն եմ, ուրիշ չեմ,

Քո Աբբա Հայրն եմ, օտար չեմ, խորթ չեմ, որդի՛ս,

Միշտ քեզ հետ է Հոգիս, զավա՛կ սիրելի:

3. Քո դեմ երկնքի փակ դուռն է բացված,

Գառնուկը Աստծո փրկագին է տրված,

Ո՛վ մարդ, դու հիշիր` սուրբ արյունով ես գնված:

Հիսուսն է դուռը, փրկության ուղին,

Նայի՛ր համարձակ զորության քո Վեմին,

Ժառանգն ես Տիրոջ, կյանքի խոսքերին հավատա՛: