213Դու՝ իմ ամուր ժայռ ու ապավեն,

1. Դու՝ իմ ամուր ժայռ ու ապավեն,

Դու՝ իմ կարոտ, սրտի փափագ ու բարձր վեմ,

Անունդ, երբ շուրթերիցս է հնչում,

Հույս է սփռում, սեր ավետում,

Ջարդված սրտեր նորոգում:

Թող Քո Հոգու գետը բարձրանա,

Սուրբ օծությամբ ողջ էությունս լիանա,

Եվ իմ հոգին երգի Քո փառքը հավիտյան,

Որ Դու ես միակ ճամփան:

Որքա՜ն ուզում եմ մոտենալ Քեզ, ի՛մ Արքա,

Զգալ Քո ջերմ շունչը ու սերը անսահման,

Քոնն է ողջ փառքը, Դու ես իմ կյանքը

Եվ հույսը հավիտյան:

Երկրպագում եմ, ողջ սրտով գովում եմ Քեզ,

Փառք եմ տալիս Քեզ, որ այսօր ապրում եմ ես,

Դու իմ սփոփանքն ես, սպեղանին հոգուս,

Իմ Տե՜ր, Փրկի՛չ Հիսուս:

2. Քեզ, ես միայն Քեզ եմ դավանում,

Որ ողջ իմ կյանքը լոկ Քեզ է պատկանում,

Սիրում եմ, սիրո խոսքեր եմ Քեզ ասում,

Քեզ եմ պաշտում, Քեզ հավատում

Եվ կյանքս Քեզ նվիրում:

Քո մեծ տեսիլքով պիտ ընթանամ,

Քո Սուրբ Հոգով պիտի լցվեմ ու զորանամ

Եվ բոլորին պիտի պատմեմ ես Քո մասին

Ու հասնեմ փառքիդ լույսին: