485Փրկության ենք մենք կանչված,

1. Փրկության ենք մենք կանչված,

Օրհնության ենք մենք կանչված,

Սիրո Աստվածն է մեզ հրավիրել:

Բացված է վաղուց ճամփան երկնքի,

Այնտեղ է տանում թռիչքն իմ մտքի,

Երկրից երկինք սանդուղք է դրված,

Հիսուս է նրա վրա գրված:

2. Հավատք, սեր, խաղաղություն,

Քաղցրություն, համբերություն.

Քրիստոսով այդ ամենը կունենանք:

Հիսուսը ինքն է հսկում այդ ճամփան,

Քույրե՛ր, եղբայրնե՛ր, լինենք միաբան,

Իրար ձեռք բռնած՝ մենք էլ բարձրանանք,

Մենք էլ այդ երթին միանանք:

3. Աստված Իր սերը հայտնեց

Ու միակ Որդուն զոհեց,

Որ լինենք այնտեղ, ուր որ Ինքն է:

Մեղավորները, արդարանալով,

Վեր են բարձրանում ուրախանալով,

Փրկության հույսն է նրանց վեր տանում,

Սուրբ Հոգով են նրանք զորանում:

4. Քրիստոսով ուրախ եղե՛ք,

Աղոթքում հարատևե՛ք,

Որ ձեր կյանքով նմանվեք Հիսուսին:

Էլ իմաստ չունի այստեղ մնալը,

Երանություն է երկինք գնալը,

Այստեղ զրկանք կա, տառապանք բազում,

Այնտեղ Տերն է մեզ սպասում: