682Գիտե՞ք ես երբ եմ կյանքը հասկանում.

1. Գիտե՞ք ես երբ եմ կյանքը հասկանում.

Երբ արգելքներն են ճամփիս շատանում,

Երբ փորձությունն է ինձ հեռու տանում,

Երբ ինձ մարդիկ են իրենցից վանում:

Հենց այդ պահին եմ կյանքը հասկանում,

Տե՛ր իմ, այդ Դու ես ինձ սովորեցնում,

Հենց կյանքի իմաստը Դու ես, Տե՛ր Հիսուս,

Քեզ վստահողը չի մնա անհույս:

2. Երբ նեղանում է ճամփաս ընդարձակ

Ու երբ կապվում են ձեռքերս արձակ,

Երբ որ բերանս են փակում անտեղի,

Երբ մեղրի տեղակ տալիս են լեղի:

3. Երբ հակառակ են գնում գործերս,

Երբ ձախողվում են բոլոր փորձերս,

Երբ կոտրվում է սանդուղքն իմ սարքած,

Եվ փուշ է հագնում արտը իմ հերկած:

4. Երբ ինձ տեսնում եմ խիստ դատապարտված,

Մանկան դեմ անգամ` անզոր ու պարտված,

Երբ որ քանդում են պարիսպներս ամեն,

Որ «ես»-իս տանեն ու խաչին գամեն:

Youtube ♪♫ ➤