689Անգութ աշխարհում սեր չի մնացել,

1. Անգութ աշխարհում սեր չի մնացել,

Հույսն ու հավատքն են կարծես վերացել:

Պաշտելի՜ Հիսո՛ւս, Խոսքդ է կատարվում,

Մարդկանց սրտերի սերն է սպառվում:

Դե արի՜, արի՜, սիրելի՛ մեր Տեր,

Սուրբ Հոգուդ ձեռքով Քո Հոր Սերը բեր:

2. Երկնային հանդերձ Դու մեզ պարգևիր,

Դրա հետ նաև` հույս, հավատք ու սեր,

Որ փորձության մեջ լինենք հաղթական,

Իսկ բանակիդ մեջ` հզոր, մարտական:

Դե արի՜, արի՜, սիրելի՛ մեր Տեր,

Սուրբ Հոգուդ ձեռքով Քո Հոր Սերը բեր:

3. «Շուտով գալու եմ՝ ձեզ Ինձ մոտ տանեմ,

Փառահեղորեն գահիս մոտ հանեմ:

Միշտ պատրա՛ստ եղեք, Իմ սուրբ գառնուկներ,

Երիտասարդնե՛ր, ծերե՛ր, մանուկնե՛ր»:

Դե արի՜, արի՜, սիրելի՛ մեր Տեր,

Սուրբ Հոգուդ ձեռքով Քո Հոր Սերը բեր:

Youtube ♪♫ ➤