827Ապրելով այս չար աշխարհում`

1. Ապրելով այս չար աշխարհում`

Գնում էի կորուստ հավիտյան,

Բայց Տեր Հիսուսը ինձ կանչեց

Ու տվեց ինձ կյանք աննման:

Ասաց. «Ներում եմ քեզ, որդի՛ս,

Դարձի՛ եկ, եղի՛ր Ինձ նման»,

Ասաց. «Սիրում եմ քեզ, որդի՛ս,

Թե սիրես` կապրես հավիտյան»:

2. Այնժամ մեղքերս ես տեսա,

Իմ չար լինելը հասկացա,

Աչքերս դեպ երկինք հառած`

Սիրտս բացեցի Քո առաջ:

Զղջում եմ, Հիսո՜ւս, սիրելի՛ս,

Մեղավոր եմ ես Քո առաջ,

Ներիր ինձ, Հիսու՛ս, սիրելի՛ս,

Ներիր սիրովդ անսահման:

3. Ասաց՝ ներում եմ քեզ, որդի՛ս,

Տվել եմ Ես քեզ թողություն,

Գամված ձեռքերիս դու նայիր,

Շնորհել եմ Ես քեզ փրկություն:

Հավիտյան փառք Քեզ, Տե՛ր Հիսուս,

Տվեցիր հոգուս կյանք և լույս,

Շնորհակալ եմ Քեզ, ի՛մ Հիսուս,

Տվեցիր երկնային մեծ հույս: