874Երբ խավար գիշերն է իջնում,

1. Երբ խավար գիշերն է իջնում,

Ամեն բան ծածկում խավարում,

Եվ խոր իրիկուն է (2),

Աստվածաշունչն ենք մենք վերցնում

Եվ սեղանի շուրջն ենք նստում,

Կարդում ենք Գիրքը կյանքի:

2. Այդ Գիրքը լի է սրբությամբ

Եվ մեզ պարգևում է նոր կյանք,

Այդ գիրքը սեր է շնչում (2):

Նա ճշմարտություն է խոսում,

Խաղաղություն է պարգևում,

Սիրենք այդ Գիրքը կյանքի:

3. Ով որ այս Գիրքը միշտ կարդա,

Նա իմաստություն կստանա,

Երբ որ սրտանց խնդրի (2):

Նրա հոգին միշտ կցնծա,

Եվ սրտում միշտ սեր կունենա,

Եվ միշտ փառք կտա Աստծուն: