969Ի՜նչ լավ է, որ ինձ հետ ես, Տե՛ր,

1. Ի՜նչ լավ է, որ ինձ հետ ես, Տե՛ր,

Իմ սրտի մեջ ու իմ կողքին,

Դու՝ արթնացնող մեղքի քնից,

Դեռ խոսում ես Գողգոթայից:

Կանգնեցնում ես Դու ընկածին,

Ում աչքերը Քեզ են սպասում,

Դու ես ճամփան ու նոր ուղին,

Երանի՜ Քեզ ճանաչողին:

2. Այս փոթորկուն չար աշխարհում

Ալիքներ են դեռ հանդիպում,

Տերս կանգնած` ձեռքն է մեկնում,

Որ չսուզվեմ ծովի խորքում:

3. Սիրող մի սիրտ լուռ արտասվեց,

Տեր Հիսուսն ինձ համար խաչվեց.

Ինձ հետ ինչ էլ որ պատահի,

Հայտնվում է ժամանակին:

4. Հիսո՛ւս, Դու ես օգնականս,

Այս նեղ ճամփի հանգրվանը:

Օգնի՛ր հասնել Երուսաղեմ,

Այնտեղ էլ Քեզ փառաբանեմ: